Ç’është poezia…
Poezia është ndjenjë,
është dhimbje,
poezia është melodi,
poezia është zë
nga brenda ushton,
poezia është frymë,
jetën ta lehtëson.
Poezia gëlon
brenda shpirtit cunam,
poezia ndriçon,
brenda zemrës fanar.
Poezia është fllad
për shpirtin e përvëluar,
poezia është melhem
për zemrën e lënduar,
poezia është zjarr
për ndjenjën e ngrirë,
poezia është jetë
për trupin e mpirë.
poezia është diell
në netët e dhjetorit,
për shpirtin e poetit,
për mendjen e vjershëtorit.
Përshëndes Revistën “Mesdheu”dhe anëtarët e kësaj faqeje me rastin e muajit të Letërsisë,Tetorit.