DY MUAJ PA TY O NËNA IME…
Dy muaj pa ty o Nëna ime e bukur,
Dy muaj pa zërin tënd moj Nënë,
Më vjen si vesë e më bëhesh flutur,
ndrin si hënë.
Njëherë më vjen zog duke çukitur,
Me ca fjalë si cicërima që vetëm ti i di,
Më fol oj Nënë a mos më je mërzitur?
Eja Nënë se kam shumë mall për ty.
Flas me yjet mbrëmjeve moj Nënë,
Me mallin e pashuar që më djeg në gji,
Ku vajte, nga ike a mos u bëre hënë,
Nga shtegu që vetëm ti e di?
S’e dija që s’do ktheheshe më oj Nëna ime,
Larg në qiell ike përgjithmonë,
U bënë dy muaj, mbrëmjeve gjer n’agime,
Shpirti im pranë teje veç jeton..
Nënës time që sot i mbushi dy muaj
Paros.16.Tetor.2024
