Magji
Mbi tokën e etur
nga vera e gjatë,
bien gjethe të arta, të thara,
e veshur me flori,
natyrë magjepsëse
me shira të mbara.
Tek-tuk dëgjohen,
fëshfërima gjethesh,
që bien në tokën armbuluar,
cicërima zogjsh
të mbetur pas,
venitur nga shtegtimi i vonuar.
Xhadeja gjarpëron,
mes pemësh gjetherënë,
një botë me pamje përrallore,
piktorja natyrë,
penelin ka ngjyer
me të verdhën ngjyrë misterioze.
Ngjyra të përziera
të ëmbla, të trishta,
luhatin ndjenjat njerëzore,
e arta,e blerta,
grija,bluja qiellore,
feksin si magji në këtë stinë
mbretërore.
