AHMET PLLANA – GAZETAR, PUBLICIST, TREGIMTAR, ROMANCIER DHE POET I DALLUAR
Zekerija Idrizi: vëllimi i dytë “Portrete shkrimtarësh”
Ahmet Pllana lindi më 7 prill 1963, në Bakshi të komunës së Obiliqit. Shkollën fillore e kreu në vendlindje, kurse të mesmen dhe studimet – gjuhë dhe letërsi shqipe në Universitetin e Prishtinës. Me shkrime letrare ka filluar të merret që në moshë të re. Poezitë e para i janë botuar në “Pionieri”, “Jeta e re”, “Zëri”, “Bota e re” etj. që nga viti 1972. Ka botuar poezi dhe tregime në shumë revista edhe në Republikën e Shqipërisë dhe të Maqedonisë së Veriut.
Ka punuar gazetar dhe redaktor në disa medie të shkruara dhe elektronike në Kosovë, si në “24 Orë”, “Koha Ditore”, Kosova sot”, “Kosovapress”, “Epoka e re”, “Lajm”, “News TV”, “Kosovapost”, “TV Kontakt” etj.
Deri më tani ka botuar këto vepra:
“Kujtoj Mollën e Kuqe”, poezi, 2010
“Hëna fle mbi antenë”, për fëmijë, 2011
“Rrugëtimi i dritës”, poezi, 2012
“Dashuri e vetmi”, poezi, 2013
“Portreti në gjeth”, poezi, 2014
“Buzëqeshje vjeshte”, poezi, 2015
“Etja e ujit”, poezi, 2020
“Jeta i takon atij që fal”, tregime, 2021
“Kujtoj Mollën e Kuqe”, poezi, ribotim, 2022
“Dashuri e vetmi”, poezi, ribotim, 2022
“Kitara e buzëqeshjeve ” dhe
“Mrika “, vjersha për fëmijë, 2024
Aktualisht i ka gati për botim librat vijues:
“Kthimi i dashurisë pas dyzetë vitesh”, roman
“Dua dritë”, roman dhe
“Një pikë ujë deti”, poezi
Temat e krijimeve të tij letrare janë poezi me përmbajtje patriotike e atdhetare, pastaj shoqërore, sociale, lirika të dashurisë dhe thuaja që të gjitha përmbajnë optimizëm dhe pozitivitet, pra kryesisht janë edukative dhe që gjithmonë kanë një mesazh kuptimplotë e domethënës për njeriun.
Ahmeti shquhet veçanërisht në tre zhanre letrare: në tregimtari, në prozë romanore dhe në poetikë. Është i dalluar madje edhe në fushën e publicistikës si gazetar i spikatur.
Për krijimtarinë e tij kanë shkruar shumë poetë, shkrimtarë e kritikë letrarë, duke e vlerësuar lart atë.
Poezitë e Ahmetit janë përfshirë në disa antologji kombëtare në atdhe dhe në diasporë.
Uroj që Ahmeti të ketë shëndet dhe suksese të radhës në fushën e krijimtarisë publicistike e letrare!
Me respekt dhe konsideratë atdhetare:
Shkup/Berlin – Shkrimtar
