” AJO KUNADHE “
—————————————
*
Ajo kunadhe me çap të lehtë
Ngjiste korien ende pa gdhirë ,
Nga një shteg t’jetër , në rrëpirë !
*
Nga e përpjeta shpesh gulçonte
Rreth e rrotull hidhte vështrim ,
Me një degë shqope gjurmët mbulonte
Dhe herë pas here bënte pushim !
*
Në pyll e shihja tek godiste
Me një sëpatë trungun e prerë ,
Unë si ai ujku gjahun kur priste
Rrija përgjoja fshehur në ferrë !
*
Nga pas e ndiqja edhe në kthim
Eh , më kish parë , më kish kuptuar ,
Një vandak dru ngjeshur mbi shpinë
Në bulza djerëse e gjithë mbuluar !
*
Përbri të dy i kishim shtëpitë
Një gardh prej druri me të më ndante ,
Vendosa t’ja thosha atë ditë
Ku një kërcu mezi po çante !
*
Të vij i thashë për të ndihmuar ?
Jo mu përgjigj , do më bësh me fjalë ,
Kan çuar lajms për t’më fejuar
Mes lotësh psherëtiu ngadalë !
*
Atë Pranverë nuk e pashë më
Askush s’më tha ku shkoi , ku ish ,
Sa herë në mendje e çoja atë
Pas ç’mendurisë shkoja sërish !
