Imer Hysa
GJUHA E SYVE
A s’është gjuhë e syve e përbotëshme
Gjuhë që e flet çdo gjallesë
A s’ështe ajo gjuha më e moçme
Me gjuhën e syve flasin fëmijët
flasim ata që s’lidhin dot fjalë
flasin kafshët, flasin dhe yjet
Dhe çdo gjallesë që ka sy në ballë.
Ka fjalë dashurie gjuha e syve
Ka fjalë qetësuese dhe fjalë pendese
Ka dhe fjalë agresive që u ngjajnë stuhive
Siç ka edhe fjalë që dhurojnë buzqeshje.
Se gjuha e syve është gjuhë e lashtë
Është gjuha më universale në botë
Ndaj mbrohet në kështjellë me dy kapakë
Dhe me bedena qerpikësh të fortë.