—————————
*
Kam mall të dëgjoj
Prap zhurmën e tuncit ,
E del i freskëti gjalpë !
*
Mbi këmje të vloj
Dhe kusinë e qumështit ,
Më pas të zë gjizën
E ta kulloj me napë!
*
Këmbë kryq të ulem
Në qoshen e oxhakut ,
Tek oda e shtruar
Me rrogoz , me shilte !
*
Aty ku dremit
Dhe një maçok i plakur ,
Që ngadalë gërrhet
E i kënaqur , fle !
*
Të shoh se si digjen
Kërcunjtë prej Lisi ,
Të thek pak bukë misri
Pranë prushit ta vë !
*
Në hell të rrotulloj
Deri sa të piqet mishi ,
E një copa më pas
Ta pres ngadalë në të !
*
Mbi sofrën prej druri
Ca djathë e trushi,
Dhe verën e vjetër
Të mbyllur në kadishte !
*
Një qepë dhe ullinjë
E më pas të pi ,
Kotruven të tërë
Të mbyllur me mishtrishte !
*
Deri sa të dehem
E të bëhem tapë,
Bardhakët e mbushur
Ti kthej radhë e radhë !
*
Nën afshin e zjarrit
Deri pas mesnatë ,
Sa të dëgjoj dhe këngën
E gjelit të parë !
Të gjitha reagimet:
1Maria Teresa Liuzzo