NË LIBËR JAM UNË
JE EDHE TI!
E hapa fletën e librit zverdhur,
Aty isha unë, ishe edhe ti,
Në të gjeta vetvehten,
Gjeta të bukurën magji…
Aty gjeta fjalë që si gjen askund,
Gjeta një vend ku të mbështes kokën,
Aty është jeta është universi
Aty është dashuria për Tokën.
Në vargje e rreshta është kujtesa,
Kënga dhe muzika në pentagrame,
Është hëna, dielli dhe e vërteta,
Është jehona e kreshnikëve në male.
Aty janë ëndrrat, është galektika,
Ku njerëzimi luan me jetën,
Është fizika dhe matematika,
Paqa dhe lulet në bjeshkë.
Një libër është si fëmija,
Një lindje e ëmbël, si mjaltë,
Nëpër fletë vjen dashuria,
E të fton në vals çdo varg.
Nexhbedin Basha
25.10.2024
Shënim: Marrë nga libri i pa botuar “Ujvarë dashurie”