“ TË DY DIKUR “
———————————-
*
Eh , ç’nuk kemi bërë dikur të dy atëherë
Veç netët e fshehta në paçin rrëfyer ,
I ulur tek vëndi të prisja ty ngaherë
Ah , për atë puthje sa më ke gënjyer !
*
Sa herë për të u grindëm e mëri ne mbajtëm
Seç ndodhte më pas , veç një Zot e dinte ,
U shamë , u zumë , u shqyem , u zhvatëm
Por pas disa minutash inati shpejt na binte !
*
Çastet që kaluam , ishin vërtet të lumtura
Gjithçka përjetuam do mbetet më e bukura,
Dhe pse më su takuam e nuk u pamë dot
Ajo që ne jetuam , ish ndryshe nga kjo sot !
*
Po ku shkuan , u zhdukën , u harruan vallë
Gjithë ato shprehje u k’thyen në heshtje ,
Rënkimet e zhurmshme pasthirmat pa fjalë
Pasuar nga lotët , të puthurat dhe buzëqeshje ?!
*
Ato mbetën ëndërra , e vuajtje të amshuara
Vegime të pa rrëfyer , me një perde lot ,
Me ëndje dashurie , ndjesish të përmalluara
Që s’kanë për tu treguar , e as harruar dot !
*
Dëshmitar të vetëm kishim zogjtë e natës
Aty fare pranë nesh me ngazëllim na shihnin,
Dhe nisnin të këndonin netëve të serenatës
Sa herë të përqafuar , pranë të dy kur rrinim !
