Sherife Allko
E gënjeva zemrën me një sinfoni simbolesh ,të kënduara me zë të ulët .
Thua më besoi gjuhën me simbole ngjyrash bashkohore ?
Shpresoj të mos më ketë kuptuar
plagën që dëshmon ,as ajo ,as bota .
E dimë se dashuria është një fllad kalimtar ,
është sikur mbetesh pa frymë në një çast sublim ..
Ah,moj zemër në gjoksin tim ,të gënjeva .
Të dhashë erën e frymës sime si aromën
e myshkut përzier me aromë pranverore .
Kur dëgjon rrahjen tënde brenda kraharorit ,edhe lulet përkulen ,
edhe hëna më zemërohet mua .
E di që më kupton sado fjalë të bukura të them .
Mendja ime është pak rrebele ,por është perëndim kërcënues .
Ty zemër nuk të gënjejë më ,
Do ndihem një drenushë peri ,
edhe në shkretëtirën që ndizet si eshkë zjarri ..
