” MË DUHET TË DUROJ ?!”
——————————————–
*
Më duhet të duroj
talljen , ndrydhjen
nga kërkëllima vrastare ,
ashtu i ndrojtur , i gjymtuar
e i përpëlitur prej neverisë ?!
*
Teksa kuraroja ndërkallet
në marramendjen e dhimbjes ,
e përkulur , e kërrusur
prej shërbesës
së hipokrizisë ?!
*
Më duhet të duroj
i përgjunjur , e i lakmuar
prej llomotitjeve e burracakëve ,
që me fjalë tregojnë
përsosjen e “mençurisë ” ?!
*
Prej kërcëllimës e gërgëritjeve
të poterexhinjëve
e marifetxhinjëve ,
si dhe “absolutistëve “
të “famës e mallështisë “?!
*
Më duhet të duroj
tarantelët frymë perënduar
të lodhur së vallëzuari ,
nën brohoritjen gjith nderim
nga dordolec adhuruar ?!
*
Që dëfrejnë rreth durimit
me paturpësi
prej shërbëtorëve ,
me modesti
në oaze të lumturuar ?