“Nëntori, Flamuri i Çlirimit “
Valvitet flamuri kudo në majat e maleve tona ,
Krenare në mes të flamurit qëndron shqiponja ,
Kuq e zi kudo në Kosovë dhe Shqipëri ,
Ky flamur është ngjyer me gjakun e bijëve të tij .
Me krahët e saj shqiponja mbron popullin e vet ,
Bijtë e këtij populli për këtë flamur flijuan të tyren jetë ,
Ndaj këtë popull një shpresë e mban gjallë ,
Një shpresë për mirë duket qysh larg ,
ajo shkëlqen si një yll i rrallë .
Nga zemrat e të parëve na erdhi një rreze dritë ,
Nga kjo rreze e artë që të parët na dhuruan ,
Duket fort qartë gjaku i tyre , flamurin tonë e kanë lartësuar ,
Krenaria jonë rrjedh nga damarët e këtij vendi ,
Dhe flamuri kudo do valvitet krenarë brez pas brezi .
Flamuri ngrihet kudo ,
dhe i sigurtë qëndron mbi male ,
Trashëgimi e lashtë sepse gjaku që u derdh kurrë nuk falet ,
Shqiponja në flamur valvitet ,
Dhe na tregon për ditët e bukura që për ne po aviten .
Nga gjaku që u derdh shkëlqeu dielli në këto troje ,
Nëntori na solli çlirimin ,
Datën që shënon lavdinë
u çliruam në këtë datë të artë ,
Dhe sivjet data 29 ,
në këtë vit jubilarë qëndron si trëndafile në pjedistal ..
Shpresa dhe dëshira për një jetë më të mirë ,
Do jetë gjithmonë një ndjenjë madhështie ,
Sepse amaneti i të rënëve është shkruar në flamurë ,
Të mbrojmë këto troje nga njerëz të paudhë .
Dhe amanatin dheu nuk e tretë ,
Por i freskët brez pas brezi do të mbesë ,
Sepse për këto troje u bënë kurban shumë jetë ,
Amaneti do ngelet përjetësisht i shenjtë .
Fluturo shqiponjë krenare nga epoka në epokë ,
Sepse gjaku është derdhur lumë për këtë tokë ,
Shqipëri dhe Kosovë
të lirë dhe bashkë do jenë gjithmonë …
Flora Mezini Boja
Tirane me 10/11/2024
