Bledi Ylli
Luftën me shpirtin nuk e ndal dot
Prej kohësh tinëz, ajo ka nisur.
Nuk mund të them si ndjehem sot
Si një qytet krejt i braktisur!
Si një kështjellë pas një rrënimi
Që hirin gri e ka si ngjyrë
Të hedhësh sytë nga perëndimi
Edhe të shohësh një fytyrë!
Nuk mund të jesh gjithmonë i fortë
Dhe pse kështu të gjithë më njohin
Ata nuk dinë si ndjehem sot
Është tjetër gjë ajo që shohin …
Ata nuk shohin brenda meje
Si shpirti i djegur ndahet më dysh.
A duket gjaku nëpër deje?
Kush mund të shohë thellë brenda sysh?!
Njeriu që syve të mi u fliste
Që u përcillte veç lotë gëzimi.
Tani është brenda një kornize
Andej larg nga perëndimi.
————————————————
Bledi Ylli poezi by B.Ylli Ora e leximit
