Anileda Xeka
Faleminderit diell
që më dhe sytë
ta shoh tokën
me mirënjohje.
Faleminderit tokë
ta dëgjoj detin
me mallëngjim.
Faleminderit det
që më dhe kokën
ta bëj mal
mendimin tim.
Faleminderit mal
që më dhe krahët
t’më bëjnë shqipe
shtrënguar ta mbaj
Atdheun tim.
Faleminderit shqipe
që më dhe gjuhën;
për diellin të digjem
për tokën të tretem
për detin të heshtem
për malin të krenohem
nën qiellin e të parëve të mi
nga gjeneza në zbulim
ku më shtrihen rrënjët
e shpirtit.
