Kristo Çipa
Me marakun e gërshetit
U ngrita, gjumin e prisha
Ti me sy thërmoje qelqin
Dole për të dehur detin
Valvit fustanin mbi valë
Kur si fllad e dridhje belin
Dallgët i bëje me majë
Tundeshe si perëndeshë
Përpjetë brigjeve të bregut
Me vetull qëroje retë
Diellit i hapje shtegun.
Si zëri kalon kaluar
Nuk ke hapa , s’ke as flatër!
Si amanet nëpër duar
Më lë merakun e kaltër
E gdhend me daltën e shpirtit
Monumentin e merakut
Ti largohesh, unë i ligur
Lahem në lot të zambakut!
