Rrit gjithnjë legjenda
(Kushtuar Kosovës martire)
Mijëvjeçari i dytë , ishte thuajse në fund
Tanimë do të ndrroheshin mijëvjeçarët
Një befasi planetin e trondit…e shkund
Kosovën , porsi bishat…e sulmojnë barbarët!
Për botën e qytetëruar , qe vërtetë befasi
Masakra e Reçakut…tmerroi njerëzinë
Njerëz të egër e të pashpirt , si në lashtësi
Vetëm Serbia rrit…e ushqen barbarinë!
Por Kosova nuk mposhtet , prej luftës e barotit
Nuk e mposhtin tanket , si bën gjë as zjarri
Se rrit Mic Sokola , gjaku i Kastriotit
Rrit gjithnjë legjenda , si Adem Jashari
Që në djep , fëmijët i ushqejmë…me barot
Me qumështin e gjirit…i ushqejnë , zanat e malit
Të bëhen të fortë , vendit me i dalë zot
Flakë për flakë përgjigjen , me ja kthye barbarit
Shumë gjak është derdhur , sot gëzon lirinë
Zot në truallin tënd , o shtrënjta Dardani
Barbarët , të patën marrë peng…ardhmërinë
Tani , veç ditë të bardha do të ketë për ty.
Lirinë që aq shtrënjt , me gjak e ke paguar
Ta gëzosh , Kosova ime…në përjetësi
E lirë dhe e lulëzuar , siç kanë ëndërruar
Deshmorët…që më shumë se jetën , të deshën ty.
Rrahim Billa / Albania
( Të gjitha të drejtat e autorit ,
janë të rezervuara)
