YLBERI I THYER
1. Dielli në zjarr
Gërmojnë
Varrin e artë
E përplasen me diellin
Që shuhet në zjarr.
2. Ylberi i thyer
Flutur pas fluture
Në ngjyrën e detit
Grimcohet
Në mes të ylberit
E madhe është
Lindja e blertë
Në asfaltin e jetës.
3. Matje e pamatur
Retë
Rrjedhin diell
Pëlhurë e verës
Kurorën
Ia mat lisit
Gurë të pagdhendur
Afër çdo rrashte
4. Lulet plastike
Hijet kallen
Në fijet e barit
Të unazës së verdhë
Në këllëfin e ditës
Lulet plastike
Hije e thellë…
5. Ujqit e metaltë
Flaka as hiri
Zotit s’ i mbetën borxh
Përpara vdekjes
Ulërimë
Në qytetin e vjetër
Dhëmbët u ndritin
Ujqve të metaltë
Në qytetin e ri…
6. Në tela rrufesh
Në simfoninë qiellore
Sytë e Mocartit e të Betovenit
U bënë copë e grimë…
Gishtërinjtë e thyer
Nëpër tela rrufesh
Endin vetëtimë.
Podujevë, 1979.
![](https://gazetadestinacioni.al/wp-content/plugins/phastpress/phast.php/c2VydmljZT1/pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDMlMkY0MTc1NzEwOTNfOTI3NzE0OTI1NTIzNjE1XzY2MjY0MTE1NDYyNzg5MDI5Mzhfbi5qcGcmY2FjaGVNYXJrZXI9MTcwOTQ2MTU5Mi00NDMzNiZ0b2tlbj01ZjJhYTRmMzM0ZjYwMTYz.q.jpg)