Valbona Kolaveri
Kur halli i bërtet në fytyrë
Dhe s’mund të bëjë një hap,
Kur ndihmë kërkon
Po ç’mund të bëjë më shumë
Një grua ?
Të çmëndet ,
Të vetvritet ,
Ta vrasin ,
Apo të mbytet?
Apo të urrejë,
Ata që po e mposhtin,
Të gjitha ata që e dhunuan
Dhe që se ndihmuan ,
Dhe brinjësh e mbërthyen,
Më thoni,
E ç’mund të bëjë një grua?
Nëse krahët i janë thyer
E shpirti po i vlon,
Kur zjarrin
Ja kanë vënë nën këmbë
Që çirret e se dëgjojnë,
Më thoni
E çmund të bëjë
Më shumë,
Kur dorën nuk ia japin
Dhe humjesh nuk e ngrenë,
Kur brënda nuk e qasin
E të qajnë me të,
Kur asnjëherë se pyesin
A ke nevojë
Se jam këtu pë ty,
Kur askush s’ka kohën
Ta dëgjojë,
Atëherë, e çmund të bëjë
Në grua ?
Të çmendet,
Të vetvritet,
Ta vrasin,
Apo të mbytet?
Kush mund t’më thotë
E ç’mundet të bëjë më shumë
Një grua ?
ǔmundet ?
