Alarme kohësh,
Më zgjojnë të vrapoj
Nëpër shtigje vetesh,
Motivime shpirti,
Dhe trajnime zgripesh moshore
Ngjitem ngadalë,
Në funksione mëndjesh,
Harkuar jam herë herë
Në zhvendosje parabolash
Përkundrejt marramëndje fjalësh
Zbres ngadalë të freskohem
Intervalesh, meditimesh,
Në vënd pushime murgjish
Që s’munda ti takoj Himalajeve,
Dhe zotat
Mi zbritën përballë
Bordurave,
Me rruzare duarve,
Te cilët, në të qindtat e sekondit
Më shesin botën e tyre
E ndërkohë,
Mbetesh pa kohë,
Në alarm me veten
Si mund të ndodhë kaq shpejt,
Me një shtrëngim duarsh
Dhe me një lutje
Më mbeti vetëm
Të vë veshin e vëmëndjes
Dhe sa s’është vonë
Të zgjohem të kap ritmin.
