Mostrat e mbledhura nga Hayabusa-
Shkencëtarët në Japoni kanë gjetur prova të reja që sugjerojnë se blloqet ndërtuese të jetës mbërritën në Tokë nga hapësira.Pjesë e programit MINERVA-II-1 të Agjencisë Japoneze të Hapësirës, sonda Hayabusa-2 u nis në vitin 2014 dhe mbërriti në orbitë rreth asteroidit Ryugu në vitin 2018. Gjatë misionit të saj, sonda mblodhi disa mostra shkëmbi
dhe dheu që më pas u dërguan përsëri në Tokë për studim brenda një kapsule të vogël.
Këto mbërritën të sigurta në vitin 2020 dhe shkencëtarët i kanë studiuar që atëherë.
Tani një analizë e mostrave të mbledhura nga anija kozmike ka zbuluar se materiali, i cili ka rezultuar të jetë më primitiv i studiuar ndonjëherë në një laborator, përmban uracil – një nga katër nukleobzat e acidit ribonukleik (ose ARN) që është një nga blloqet ndërtuese të jetës në Tokë.
Vetë asteroidi mendohet të jetë formuar larg nga Dielli (rreth orbitës së Neptunit) rreth 4.5 miliardë vjet më parë gjatë ditëve më të hershme të sistemit diellor.
Zbulimi është përshëndetur si provë e mëtejshme për të sugjeruar se blloqet ndërtuese të jetës mbërritën në planetin tonë nga hapësira në një moment në të kaluarën e largët.
“Zbulimi i molekulave biologjikisht të rëndësishme si ato nukleobazat në materialet më të pacenuara jashtëtokësore pa asnjë ndotje tokësore garanton që ato janë me të vërtetë të pranishme në mjediset jashtëtokësore,” tha autori kryesor i studimit Yasuhiro Oba nga Universiteti Hokkaido i Japonisë.
