Mimoza Maria Ajdhoni
Aty ku të çojnë ëndrrat e tua,
aty do të të pres unë.
Unë, magjistarja jote,
që ëndrrat e tua i bëj buqetë,
i hedh në krahët e erës
dhe i ul në një lëndinë Prilli.
Aty do të pres unë, aty,
aty do të shtroj një stromë yjesh.
Yje, që nxitimthi kalojnë mes qerpikëve të hënës,
kur ajo hap e mbyll sytë e përgjumur.
Do t’i shtroj çarçafë në ngjyrën e qiellit,
krevatit të ëndrrave të tua,
sepse aty do të na çojë lumturia.
Dhe pastaj,…pastaj do të zhvesh uniformën magjike,
për t’u bërë skllave e epshit tënd.
M.M.A
23/4/2024
Të gjitha reagimet:
10Gori Stafa, Qerim Bajrami dhe 8 të tjerë
