MIRËSI E PENDUAR
Prej hundësh më ka dalë
Se shumë njerëzve- gabim
Buzëqeshjen u kam falë.
JETË PËRRALLASH
M’ ofrojnë muzgje dhe bela’
Dëfrime sarahoshë
Buzëqesh më thonë,rrugëdalje s’ ka
Me përralla të jetosh.
LINDJE DIELLI
Në mes pasionit flakë e zjarr
Mes joshjes, skuqin dimrin
Në dashuri zemrat fanar
Bëjnë diejt që të lindin.
MENDIMI I DETIT
Përreth një i artë perëndim
Shastisur shihja fundin e detit
Me fali aq shumë mendim
Sa u shtanga si memeci.
NEVOJË JETIKE
Jetike më je bërë nevojë
Ti , jeta ime e bukur
Një çast të bësh e të mungosh
E ndjej veten të humbur.
LARG E PRANË
Sa herë vetëm rrugën marr
Larg teje ,në udhëtim
Shoh endrra se pranë të kam
Ngjitur në krahun tim.
S’ E HUMBA SHPRESËN
Me ankth të prita, prisja gjatë
Aty ku ne dhamë besën
Sa shira, borë dhe shtëngatë
Erdhe, s’e humba shpresën.
TI FLET PËR DJE
Për dje, pardje ti flet me zjarr
E të parvjetshmet raste
S’ e ditkërke o fukara
Në jetë numërohen çastet.
SHIU TË BJERË TANI
Të thashë:” Shpreh një dëshirë”
Më the:” Një puthje nën shi”
Pyete”: Ti, ç’ do të doje më mirë”?
Zot, dua shiu të bjerë tashti.
DUAR PUNËTORE
Plot me kallo, e damarë duar
Mjete të punës e dashurisë
Nxenë me një të përqafuar
Gjithë mizërinë e njerëzisë.
Lefter ShomoK /09 b.l. α
