MA DI ÇDO HUQ..
Ma di çdo huq, çdo ves
Kokën nga ai krah e mënjanon
Ku unë kokën mbështes.
ËNDRRAT
Vështrojmë yjet aty lart
Mes ëndrrash të argjendta
Po ah, sa rrallë, shumë rrallë
T’ vërteta dalin ëndrrat.
BUKURIA JOTE
Vallë do të kishte aq rrezatim
E jotja bukuri
Po të mos ish vështrimi im
Po s’ ishin sytë e mi ?
PULS I SHPEJTË
Duke sajuar puls të shenjtë
E panë Perëndinë..
Kur pa se s’ ish dhe aq i shpejtë
Sajoi dashurinë.
LOTI I FËMIJVE
Loti i llastuarës fëmijë
I rritur në bollëk s’ rëndoka
I varfanjakut shpon si thikë
Peshon rëndë sa toka.
MES KUNDËRSHTISH
Në dashuri aq mrekulli
Mes kundërshtish do gjesh
Deri sa vdes fal dashuri
Gjallë në jetë të ndjesh.
SY TË QELQTË
Të qelqtë sy ,të ngrirë i ke
Ku shkoi shikimin yt i dlirë
Në sy të tjerë bëri fole’
Qofsh mirë! Lamtumirë!
GOJA JOTE E BUKUR
Ah, goja jote e bukur
Të arta thotë, fjalë të ëmbla
Por unë jam i stërlumtur
Kur fjalët t’i thotë zemra.
PUTHMË
Puthmë sa në shpirt të shkundem
Gjer në mekje, gjer në britmë
Shtrydhmë pezull të lëkundem
Sa në vdekje e n’ amëshim.
GËZIM, …NË SHPIRTRA
U vunë në kërkim të gëzimit
Yjet e qiellit dhe orbitat
Toka u tha:”Kot e merrni mundimin,
gëzim do gjeni veç në shpirtra”.
LEFTER SHOMOK/7 b.l α.
