Më erdhe si hëna
dritën seç ma solle.
Më pëshpërite ëmbël
fjalën nuk e nxore.
Eja moj çapkënia ime
më thuaj një fjalë….
Më thuaj fjalën e bukur
të më shuaj mall!
Sa yje që ka lart qielli
aq ëndrra me ty kam thurur.
Më thuaj çapkënia ime
atë fjalën aq të bukur!
Ata sytë e tu të ndritur,
janë përcjellë në çdo damar.
Eja moj çapkënia ime,
eja të më shuash mall!
E pres kohë unë atë ditë
që pranë meje t’i të jesh.
Eja moj çapkënia ime,
se një mall tek unë do gjesh!
