Erjon Muça
Diku lexova se dikush kish parë,
Dikurë, Zeusin duke lypur.
Mu kujtua kur pashë Jehovain
Me dorë nderë, në një kthinë
Rruge ulur.
Mirëpo nuk më bëri edhe aq përshtypje.
Perënditë janë më të zbuluarat
Nga lëvizjet e tregut, inflacionit;
Dje shëndrinin me forcën
E mijëra diejve, ndërsa sot
Zvarriten tek këmbët e fronit.
Që ka mbetur vakant,
Por jo për mungesë kandidatësh,
Të tillë ka plot, ose edhe vetëm një
Por me shumë emra, që as vetë
Nuk i njeh; qëndron në pritje për t’u
Ulur, dhe kjo shumësi emrash, termash,
E deh..
Po lyp i ngrati, pa e ditur që ende
S’ka rënë; po ç’rëndësi ka kjo,
Në një botë ku edhe kur dikush bie,
Nuk e ndjen pa i’a thënë.
Pisa 10-03-2024
Po lyp i ngrati, pa e ditur që ende
S’ka rënë; po ç’rëndësi ka kjo,
Në një botë ku edhe kur dikush bie,
Nuk e ndjen pa i’a thënë.
