Mimoza Maria Ajdhoni
Eja, të pret vetmia e heshtjes time,
të presin pikat e lotit që kthehen në shi,
netët e gjata që mbushin shtratboshësinë time,
misteret e epshit që ulërijnë kur mungon ti.
Eja, padurimi im lyen natën me ngjyra zjarri,
të pret udhëkryqi ku kam ngelur djersëmbuluar,
agonia e vetmbetjes të së nesërmes,
segmenti i jetës që kohën ka ndaluar.
Eja, që të ndalësh psherëtimat e shpirtit,
me prekjet e tua, çdo qelizë të drithërosh,
dallgët e dëshirave të prekin qiellin tim,
vetëm duke ardhur, çelësin e lumturisë mos harrosh.
( Shkëputur nga libri im ” Labirint “,poezi, SH.B.MUZGU, Tirane 2023)
Të gjitha reagimet:
20Ti, Blerta Basha, Elham Pasha dhe 17 të tjerë
