———————
Kur drita e syve të më shuhet
flaka e shpirtit të më përvëlojë
kur ndjenjat e mija të mos ruhen
do shikoj trupin si do reagojë.
Atëherë si një njeri”i pa vlerë”
do ulem në një qoshe dhe do mendoj
do mundohem unë,pothuajse shpesh herë
që veten time,çdo ditë ta kontrolloj.
A do jem unë,në gjëndje përsëri
lapsin dhe bllokun të marr në dorë
për të shkruar prapë vargje e poezi
apo do mbetem ashtu,një njeri i gjorë ?
Nuk e di vallë,nuk di çfarë të them
si pyetje naive më duket kjo tani
por sëbashku pranë jush do të jem
për të shkruar prapë të bukurën.poezi.
