Donike Rrethej
Sonde kjo natë asht kaos,
erë qi fryn si e marrë ,
shi qi bjen pa u ndalë …
e unë ?!
Unë mes kujtimesh udhë kam marrë.
Se na ?!
Jena fjalë …
fjalë qi nuk thuhen,
fjalë qi bërtasin ,
fjalë qi heshtin e vrasin.
Sonde ky shi i imët m’kujton ty,
kjo erë e lazdrueme ne t’dy,
kjo heshtje mizore qi mbrenda mejet hesht,
e me mue qesh….
Ah , sa fjalë thamë e bërtitëm…
sa premtime qi u zhdukën e ikën,
sa ikje – kthime i gjuejtëm me inad,
kjo natë sonde mi servit kaq t’freskëta ..
n’pjatë.
Kjo natë , kjo erë ,ky shi , kaq i imët,
qi zemrën m’hesht e shpirtin pak m’trisht,
kjo natë dimni qi kujtimet mi ka ba rrëmujë,
disa i tres e t’tjera mbrenda mejet ruej.
Sonde asht Kaos mbrenda mejet e jasht…
jasht bjen shi e fryn erë pa u ndalë ,
unë qi hesht n’nji botë si ti diku mshehun n’nji qosh,
( e mbrenda mejet rreh me grushta ky i dreqt mall ).
Ky mall i marrë e i përdal.
