Kënga ime fluturon përmbi qiej të askundit,
Lahet lyhet nëpër diej pastaj shuhet tej përfundit!
Sa lëngon si zog pa pëndë poshtë në gurin e vetmisë,
E var kokën majëshkrepi nëpër hon ti japi sisë…
Në u ngjalltë…se do të ngjallet atij terri flokë rënë,
Zjarr si ëndrra do kallet do të ngrihet shpresës ndënë.
Prapë do digjet do përdigjet nëpër kuq e nëpër zi,
Gjersa buza në qeshor ty të piqet si qershi.
