Nata ju veshi pelerinën e xhindit
T’i bënit pritë agut të muzës.
Shkelët mbi shkallët e shpirtit
Thurur me zilka bulëzash vese
Duke ecur pa dhembje
Si mbi gjethe të kalbura vjeshte.
Kruspulluar,
Në një skaj të ëndrrës
Rrijnë fjalë të pathëna,
Si gjëmba trëndafili shpojnë.
Hëna,
Në heshtje
Jua gëlltiti qetësinë.
Retë e zeza kacavaren
Në krifat e erës
Që qiellin mbajnë mbi shpinë.
Përtypni tani lulegjembi
Në vajtim të mbytur
Nën drita vetëtimash!
@Seti Pezaku Vladi
27/11/2023
