Gropë i bëtë kolltukët e Port Saidit*,
Orë të tëra, gropë, lëkurë e zezë.
Nuk pushon së rëni zilja e celularit
Kot, fare kot, “bay-ciao” ju është bërë ves.
Thonj të zi, sikur më mbysin në Flag Ship*,
Tek lëpihen mbi syprina xhami gri.
Akrepat e fosfortë te muri cip mbi cip
S’di, në më kot po rrinë, a bëjnë dashuri.
Tym duhani vesh tavanin e Çollakut*,
Missin ledhaton te lajmet Ora News.
Stresi mal sesi më gërryen prej merakut,
Më mbyt kjo kotësi, më mbyt, mezi e ngrys.
*Kafe-Bare në Durrës
