Shtrihem mbi barin e njom që pret kockat e mia
Kur mjegulla të ket tretur
Kodra e “Rudinës” duket më mirë
Sërish të t’shoh, të t’prek e imja shtëpi
Saher mollët piqen, të vij është e imja dëshirë.
Mallin që kam brenda, as hëna e plot s’ma shuan
Mbi kurrizin tim shumë vite jan rënduar
Se ç’ ma prishi gjumin kjo ëndërr përdreq
Një gjinkall mbi çati ishte duke kënduar.
Pa dëshirë unë ika, u treta si erë
Dua të bëhem drita e fundit, në qoshkun e udhës
Shtëpi e braktisur do shkruaj në derë
Me mallin për ty vishen dhe pemët e stinës.
