Kur nata përhapet në heshtjen e saj
Yjet bien magjishëm dhe zemra hap
dyert e dëshirave të derdhura në poezi.
Aty zemra nis të flasë duke rritur ritmet e
tik-takeve me një melodi të heshtur ashtu
siç rriten lulet në kopshtin e ëndrrave .
Fjalët e saj janë notat e një muzike të
fshehur duke rrethuar shpirtin dhe duke
formuar vargje plot ngjyra sikur ylberi
shfaqet me koloritet e tij rrezellitëse pas
një shiu të rrëmbyeshëm.
Më pëlqen dëgjimi i kësaj mrekullie poetike,
më deh si aroma e lules së pasuruar me ëndrra
që veç rritet çdo ditë pa ndalim .
Zemra nis të shtrojë fjalët e saj si petalet e luleve
magjepsëse dhe poezia merr jetë duke u
bërë pjesë e qenies sime.
Kur zemra flet me poezinë, jeta nis udhëtimin
në dallgëzimin e detit ku shpërfaqen vargjet
sikur perla mrekullibërëse në fund të detit.
Kur zemra flet,poezia merr ftesë në një
udhëtim të pafundëm e magjiplotë…
Të gjitha reagimet:
26Blerta Basha, Selman Hysi dhe 24 të tjerë
