Koha nuk ndalon,
Me ëndrra të trishta
Netët po kalojnë.
Dhe lotët vazhdojnë
Të rrjedhin, të pikojnë
S`ka asnjë fjalë
Të keqen ta ndëshkojë.
Deri kur kjo lojë
Kështu do të vazhdojë?!
Sytë nuk mashtrojnë
Lotët s`po shterojnë!
Lotët do të pikojnë,
Kurrë s`kanë për t`u tharë.
I duam bijtë tanë –
Të vdekur, a të gjallë!
Në Kosovën martire
Dheu është më i lehtë
Kjo Tokë i kërkon
Të prehen të qetë.
Të prehen të qetë
Në Kosovën e lirë,
Për të cilën u flijuan
Shumë trima e martirë.
Autori: Aziz I. Ahmeti
