![](https://gazetadestinacioni.al/wp-content/plugins/phastpress/phast.php/c2VydmljZT/1pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDYlMkY0MjA2OTA3MTVfNDM2NTExNzQ1NzE0MzUzXzkxMTU0OTc2Nzc4Mjc0MDQ2NF9uLmpwZyZjYWNoZU1hcmtlcj0xNzE3MzQzNjU3LTY0OTA2JnRva2VuPTg5ZGU4ZDIxZDllM2YxNjY.q.jpg)
Poezi nga Rizah Reshani
LULESHQIPONJA E DARDANISË
( Dëshmores Antigonë Fazliu)
Në Dardani te Lirizjarri
Luleshqiponjë në Pentagram
Herë Teutë, herë Shotë syzjarr.
Don Atdheut t’ia shërojë plagët
Lokemadhes t’ ia ndalë gjamët
Kurrë Drenica të mos derdhë lot
Toka e Arbërit të ketë një Zot.
Në Qyqavicë lufton trimnesha
Në kështjelle trimnie si luanesha
Me UÇK- në në gjoks si pazmore
Vullkan Gonja me shpirt Nore.
Mure e tela të mos ketë Arbëri
Helm të mos hedh kurrë më gjarpëri
Me sy zemre ta duam Njeriun
Vetëm fqinj ta kemi Veriun.
Si zogj mali të shkojmë në Shqipëri
Që Nënëkokja të na marr n’gji
I qetë të ecën Arbërlumi
Flokët e Gones kallinj gruri.
Kur u përjetësua Ajo në Luleparqe
Historisê ia shkroi më të bukurën faqe
Zog i kaltër në lartësi
Rrap qëndrese në Dardani!