MADHËSHTIA E NËNËS
Kokën në gjoks të NËNËS mbështeta
Fjalën e parë nënë mërmërita ,
Mbrojtjen e saj në shpirt e ndjeva,
Madhështinë në shekuj ngulita.
Pedistal për ju nëna i ngritëm,
Se netët e gjata pa gjumë i gdhitë,
Bukën në gojë s’e pranuat pa bijtë,
E mallin më shumë në jetë provutë.
Virgërinë e kësaj jete na falët,
Të pa përlyer gjakun na dhatë.
Mburojë u bëtë në luftime,
Nënë, meriton në jetë përgjërime.
Para stuhisë mburojë u bëre,
Me shpatullën tënde ngrite
Barrierën e mbrojtjes fisnike,
Legjendë në mure u skalite.
Në mure e gjallë triumfatore,
Gjirin jashtë, për të pirë sfidove.
Këmbën në djep lëkunde ndër mote,
Dorën të merrje foshnjën në mbrojtje
Legjendë e gjallë je ti nënë,
Plagët e luftës mjekoje me lotë.
Parajsën e ndërtoje për bijtë,
Panterë në të gjithë madhështitë.
