E dashur jetë.
E dashur jetë… dhe pse e zbehtë,
Të dua si shkretetira shiun,
Skeleti ëndrrës, ty do të ketë,
Si në dritë dielli, hija njeriun.
Tej horizontit shkojnë sytë e mi,
Për të të hyrë portës së ëndrrës,
Në siluetën ku fshihesh ti,
Është shpirti im, substancë e lëndës.
E dashur jetë, më shih në sy,
Të marrë unë ngjyrat si perëndim,
Në fund të tij, të pres veç ty,
Me rreze dielli der në agim.
