MALLI I GJYSHES …
————————–
Malli i gjyshes s’fle as natën,
digjet si prushi në vatër .
Përrallat përgatit për darkë ,
Nipër , mbesa i ka larg .
Porositë lë dhe njëherë ,
ujkut mos i hapni derën .
Dhe vazhdon përralla me kecër ,
Macja zë gërhet në prehër .
Sy e veshë në telefon ,
Se mos bjer’ gjë dhe s’dëgjon .
Cër e cër … alo gjyshja ,
gjyshja s’është si dallëndyshja .
Të kaptoj male dhe dete ,
Të pyes ku bien kurbetet .
Të marr dy trasta me vete ,
Një me përralla , një me derte .
T’i drejtohet Zotit e mbretit ,
t’i thotë se malli e treti .
E frikëson bota e madhe ,
Me metro e me tramvaje .
Fëmijtë luajnë në ekrane
Për gjyshe kanë guvernante .
S’mblodhën njëherë luleshqera ,
Gishtat s’nxinë me manafera .
Si t’i puth në celularë ,
Buzëreshkura si arë .
Si t’u vë dorën në ballë ,
të gëzoj e të nxjerr mall..
Shtegëtoi dhe dallëndyshja ,
Në fole e vetme gjyshja …
Shtëpi e vjetër te kisha .
Ah, moj nënë , thesar të kisha .
Ah, moj nënë ,rritur pa nënë ,
Fat’ i gjyshes ende dhëmb ..
Mes lotësh dhe lëndimesh ,
kam kërkuar gjyshen time .
Ku ka më të shtrënjtë se gjyshja ,
Ç’farë s’do jipja që ta kisha .
Vinë si ëngjëj nëpër ëndrra ,
Vinë e thonë ca fjalë të ëmbla .
U zbardhën gjyshet si hiri ,
u bën shkrumb lotët e syrit .
Cër e cërë , alo gjyshja …
S’kthehet më as dallëndyshja ……
