Fatmir R Gjata
Më fal nënë e mirë, më fal o at
Kam qënë fëmijë i sertë e plotë shamatë
Kam ndjekur zogjtë plepishtesh si i marrë
Dhe kthehesha në darkë gjunjë vrarë.
Me shokët jemi zënë e kemi qarë
Aq shumë sa pleqtë e vjetër na kanë ndarë
Dhe prapë u puthëm, lozëm nëpër fushë
Pa vodhëm nëpër bahçe vesh me rrush.
Dhe gjumë na gjente pranë nëpër kanal
Më fal o nënë, o at i mirë më fal
Thërrisnit fortë sa ndihej gjithë në fshat
Ku janë këta djaj, at djalin tim e patë!??
Dhe mbrëmjeve pranë vatrës i pafaj
Dëgjoja një përrallë nga gjysh Thomai
Dhe nëna më shikonte psherëtirë
Ohhh djali im, ohhh çuni im i mirë.
