Natasha Limaj-Mall për ty


mall për ty

mall për ty , o vit i ri

kur bridhja nëpër shtëpi

aromë molle porsa ndjeja

kanatë bufeje zbërtheja

me ngulm “ starkingat “kërkoja

para më dilte likoja

nduk një gaç e ha një lugë

velesia der në grykë

e pastaj si vajzë e mirë

pranë oxhakut rrija shtrirë

mamaja gazin nën buzë

shumë e urtë qënka kjo çupë

mos m’i ka folur njeri

a , po pret vitin e ri ?!..

About Post Author