![](https://gazetadestinacioni.al/wp-content/plugins/phastpress/phast.php/c2VydmljZT1pb/WFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDMlMkY0MTgxNzA3MjFfMjgwMDYwMzk3MDEwNTkwM18xMDI2MTYxNDA1Mjk4Nzg4ODM2X24uanBnJmNhY2hlTWFya2VyPTE3MTEzODEzMjYtMzc3NzAmdG9rZW49MjY5ZDg5MmFkZTdjZGMxZQ.q.jpg)
Prilli i lulebukurave, lajmëtar i parë.
I këngës së bylbylit dhe i jetës së re,
e përcjellë dëborën, vjen në behar,
me bisqe dhe sytha, sjell gaz e hare.
Maji i lulëzuar më i miri në vit,
që i falë tokës, gjallëri dhe hijeshi.
Qershori i ngrohtë, afrohet çdo ditë,
duke skuqur në degë, kajsi dhe qershi.
Niset vjen ngadal, ai muaj i kallirit.
Belholla lozonjare me drapër në dorë.
Syri i saj i bukur, si kokrra e ullirit.
Shoqe s’ka askund, aromë luleborë.
Gushti rrin me saç, për të pjekur gati.
Atë petkun e blertë, me lule në fushë.
Nga vapa edhe lumit, i shterron shtrati.
Vasha te kroi freskon, të bardhën gushë.
Shtatori niset, me rrush e me mollë.
Misër e grurë, i mbush plot hambarët.
Sa gëzim i madh, bjen zilja në shkollë.
Ngazëllen qytetin, lumturon fshatarët.
Me brushën e artë arrin muaj tetor.
Qëndis mal e fushë, me përplot ngjyra,
atij ja ka zili edhe më i miri piktor,
gjithçka e kthen në art, buzëqeshë natyra.
Lumni Nimani
04. 10. 2021 Straubing