Ndihem mirë me ty Mars.
Hej mars, i bukuri mars,
kur ti vjen kujtimesh më mbars,
![](https://gazetadestinacioni.al/wp-content/plugins/phastpress/phast.php/c2VydmljZT1/pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDMlMkY0MzIxNjM1NzdfNzU2MjY4Mjk5OTM2MjkxXzY0OTA3Njc2NDI5NTE1MDc1OTBfbi5qcGcmY2FjaGVNYXJrZXI9MTcxMDY2NjUzMy02OTMzNiZ0b2tlbj1mMWNkNmYzZGMyNGQwMWQx.q.jpg)
më sjell ndërmënd fëmijërinë,
ëndrat dhe lodrat me brishtësinë,
kur mes shoqesh vrapoja si flutur,
kur më thoshin se këndoj bukur,
kur rritesha me kujdesin mëmësor,
e thirresha princeshë me zërin atëror.
Hej mars, i brishti, i lagështi mars,
ti që thyen dimrin dhe e lë mbas,
me agimet e freskta, vesën që hedh,
me blerim ngado e bukuritë që sjell,
me sjell ndërmënd, të bukurën rininë,
rritjen, lulëzimin dhe vet dashurinë,
ëndrat, dëshirat që s’mundën të mbrinin,
mërzitjen, lotët netëve dhe zhgënjimin.
Hej mars, muaji i luleve në livadhe,
i kthimit të dallandyshes mërgimtare,
i shushurimës simfoni nëpër pyje,
i netëve të gjata me hënë dhe yje,
i krojeve te arta mbushur me gurgullime,
atmosferën mbushe nga zogj me cicërime
sa mirë që erdhe me pranverën bashkë,
me ty në zëmër, moshën e lashë jashtë.
Ndihem mirë me ty i bukuri mars…