![](https://gazetadestinacioni.al/wp-content/plugins/phastpress/phast.php/c2VydmljZT1pb/WFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDMlMkY0MzAwMjgwODhfNjk4OTA0Mjk4Nzg4OTk3Nl80NDQzMzk4NTc5ODMzMzQ2OTQwX24uanBnJmNhY2hlTWFya2VyPTE3MDk0NjIyMjctMzcyODUmdG9rZW49ZmYxMjk0ZDAzOTcwM2MzMA.q.jpg)
Në krahët e mallit tash rrekem vetmuar
ndiej valët pikëlluese që vijnë si dallgë.
Të ëmblat kujtime rri duke menduar,
dhe pas dua t’i ndjek me hap!..
Ne krahët e mallit valë të thinjur,
valë që bien si shi në kujtesë…
Ky mall fort zemrën paska nginjur,
në kraharorët e kohës do të mbesë!..
Malli shpërfaqet si një rreze dielli,
dhe më rrëfen një histori magjike…
Vjen si një yll që zbret nga qielli
e bënë jetën time kaq unike!..
Ne krahët e mallit zemra fort rreh,
në këtë botë më bënë të rri shkretë…
Vjet tok me ëndrrat në mua fle,
si imazh kujtimesh aty mbetë…
Në krahët e mallit fluturoj e lirë,
në gjirin e kujtesës gjej strehim.
Këto valë malli në shpirt kanë mbirë,
sot ardhkan rishtas si mallëngjim!..