Sami S. Shatri
Ne nuk jemi pak, jemi bukur shumë
sa vargmalet tona, që janë të pafund
jemi tërë Shqipëria, nga veriu në jug
Dardania e vjetër, bashk me Dukagjin!
Ulqin e Kelmend, me Plavë e Guci
Çamëri, Preshevë, me Maqedoni
vëllezër të një gjaku, atje n’Kalabri
me Arbëresh të Zarës, larg në Dalmaci
kemi Diasporën, sa një Shqipëri
bashk të gjithë e bëjn, t’madhen ILIRI!
Ne nuk jemi pak, jemi bukur do
kemi të përbashkët, t’gjith të njëjtin ZOT
prij’sin e pavdekshëm, shenjtin Kastriot
trimin më të madh, që ka nxjerr kjo botë!
Ne nuk jemi pak, s’jemi të pa fe
besimin e kemi, n’tmadhin Skënderbe
do të vdesim shqip, se shqip kemi le
feja jonë e shenjt, është veç SHQIPTARI!
Ne nuk jemi pak, jemi shumë të moçëm
sa shkrepat e larta, detra-oqeane
në Tomorin plak, te froni i Zotit
moti është folë SHQIP, gjuhë e KASTRIOTIT!
Prishtinë, 22.11.2023
Sami S. Shatri
