Llesh Gjoka
![](https://gazetadestinacioni.al/wp-content/plugins/phastpress/phast.php/c2VydmljZT1pb/WFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDElMkY0MTk0MTkxOTRfMzg1NDA0ODUwODE1NjU0OF8zMTY0MDQwOTI3MjMyNzM1ODgxX24uanBnJmNhY2hlTWFya2VyPTE3MDUxNDA1MjAtMzE3MTkmdG9rZW49NmJiN2Q2ZTI1YWFlYmRhMw.q.jpg)
Në pritje të ëmbël janë
toka që na ushqen, ajri që na dhuron frymën
ngjyrat e kërndezta të luleve në ballkon
urat që lidhin brigjet
qyteti im që shkund qepallat nga gjumi
në mëngjesin që sapo ka nisur.
Ka ditë që numërimi i kohës sime është diskret
Të pajetueshme mbeten ato
që nuk shkruhen në ditar.
Le të venë në djall gjithçka që s’ka bekim.
Vetëm era e një dite tjetër më hukat
Praninë e zgjimit ma çon në ekstazí
Përtej…përtej…përtej…
Lëvizja është jeta e të gjallëve
Në gjol këndojnë bretkocat
Këngë e papranuar le të jenë
ato që s’i këndojnë ëngjëjt
Që ishin dhe janë me mua
purgatori i shpërblimit të shpirtit.
Në pritje të ëmbël janë
Gjithçka që do të jetë ndryshe
Që do të shartohet me gëzimin e një fëmije
Me dashurinë e ngrohtë si rreze dielli
Gjithçka që kërkon të më thotë një kumt
Premtimi i asaj që akoma jeton
Një puthje ëndrrash le të jetë
Ajri le të bëhet urë
Magjia e dëshirave që pluskojnë
Le të bëhet pikëtakimi ynë.
Qoftë i mbarë ky prolog i shenjtë!
Në pritje të ëmbël…
![Mund të jetë një imazh i pemë, mjegull dhe muzg](https://scontent.ftia5-1.fna.fbcdn.net/v/t39.30808-6/419419194_3854048508156548_3164040927232735881_n.jpg?stp=dst-jpg_p526x296&_nc_cat=103&ccb=1-7&_nc_sid=c42490&_nc_ohc=xpeL7nekSXwAX_zoYRy&_nc_ht=scontent.ftia5-1.fna&oh=00_AfDCSJQw5a8nxasPor7R5GawDVQDwFfJSdo7jQttjzqaZw&oe=65A828AA)
Pëlqej
Komento
Ndaj