Si Shën Valentin po sjellim një poezi nga një prej poeteve te burgosur nga Diktatura
Pëshpëritje Vjeshte
Ja po piqet, mike, rrushi
deg’ e pjeshkës më një thyhet,
t’i ka zënë faqet pushi
edhe gjiri po të fryhet …
Eja, mike, bashk të bredhim
Erdhi koha që t’i mbledhim:
Un’i zgjedh ti i këput
Ca në dorë e ca në futë.
Në se degët nuk arrin,
Do të kap, moj, mu në mes:
Të të ngre, moj, mi peqin
Me një zemër; me një shpresë.
Kokrrat fshehur nëpër fletë
Hajt i mbledhim më nuk rriten,
Eja, mike, se un’ vetë
Ti këpus kam frik’ se vriten!
Nexhat Hakiu
(Poet i burgosur nga diktatura)
