MONOLOG , përsiatje rreth çështjeve kruciale të besimit , atdheut dhe religjionit-kështu e ka titulluar librin e tij më të ri në DSH , autori tashmë i mirënjohur në letrat shqipe ,Zekerija Idrizi.Vetë titulli na sugjeron se kemi të bëjmë me një vepër me vlera shumë dimensionale dhe intriguese.
II.Çlirimi nga prangat e besimit
————————————————–
Që në fillim ,jo rastësisht , po e theksoj se Zekerija Idrizi është një model i ndritur për të ardhmen e shqiptarëve , të kombit dhe Atdheut: është teolog modern , mendjendritur , intelektual i mirëfilltë , shkrimtar i mirënjohur me një varg veprash të rëndësishme , origjinale dhe të përkthyera ,i cili këto ditë ka dalë botërisht në opinion se ,citoj ,nga kapitulli:
ÇLIRIMI IM NGA PRANGAT E BESIMIT RELIGJIOZ, ku shkruan:”Besimi religjioz mysliman krijoi nga unë një të” burgosur” në këtë botë të lirë.Për më tepër ai shkaktoi tek unë frikë , tmerr e llahtari.Ku’rani më thërriste të besoj në një Allah të llahtarshëm, lemeritës , kriminel e satan.
Qindra versete kuranore prezentonin që ai tmerrësisht ndeshkonte dhe zhdukte popujt jo besimtarë e paganë , apokaliptikisht me termete , rrëmujë , shi e breshra…”Dhjetra versete të tjera , shkruan autori në fjalë , dëftojnë dënimet e ashpra me zjarr ferri (xhehenemi ) për jo besimtarët , të krishterët dhe hebrenjtë. Pas gjithë kësaj autori i DSH MONOLOG , thotë, citoj:”Paramendoni një Zot që kërkon të dënohen në mënyrë mizore krijesat e tij”?Dhe vetë autori përgjigjet në këtë dhe konstaton , citoj:”Zoti është Dashuri dhe pikërisht nga dashuria krijoi botën dhe njerëzimin”.Pikëpamja e autorit dhe telogut mendjendritur këtu është e njëjtë me atë që e ka thënë edhe teologu dhe filozofi i njohur Ratzinger:DEUS EST CARITAS(ZOTI ËSHTË DASHURI)…
III.Pse kam vendosur të jem agnostik?!!!
—————————————————————
Kështu është titulluar një pjesë e shkrimit të DSH në fjalë të cilin po e marrim në shqyrtim e ku autori nuk heziton të tregojë se ai ka lindur si pjesëtar i besimit mysliman , në një familje tradicionale myslimane dhe se fenë e ka trashëguar verbërisht dhe aksidentalisht …duke theksuar se ka trashëguar një islam konservativ…dhe se qysh si fëmijë ka mësuar , kryesisht në gjuhën arabe , njohuritë më thelbësore të fesë ..Dhe vazhdon,citoj:”sa më shumë thellohesha në burimet islamike aq më shumë më shtohej dyshimi -skepticizmi rreth të vërtetave “absolute” të këtij religjioni”.Dhe kjo ,shkruan autori në fjalë , ishte si rezultat i konsumimit të literaturës gjithëfarëshe shkencore dhe filozofike , madje edhe huluntimi rreth religjioneve të tjera , veçanërisht rreth protestantizmit të krishterë të Martin Luterit…
Prandaj për pasojë , rrëfen autori , fillova të mos e praktikoj fenë.Paradoksalisht arrita ta konstatoj faktin që religjioni islamik nuk mund të reformohet dot .Sepse ,sipas autorit , reforma dhe renesansa janë tema tabu!…
IV.Botëvështrimi rilindës kombëtar
——————————————————-
Autori ,siç rrëfen në DSH në fjalë , qysh si gjimnazist , botëvështrimin dhe ideologjinë time kombëtare dhe njerëzore e kam mbështetur dhe vazhdoj ta mbështes akoma në platformën progeamatike të Rilindjes Kombëtare Shqiptare mbi parimet progresiste të BEO-SHQIPTARIZMËS , parimet bazë të së cilës këmbëngulin në deorientalizmin dhe oksidentalizmin e shqiptarëve ashtu siç mësonte edhe Naimi:
“Për shqiltarët dielli lind në Perëndim”.
Me një botëkuptim dhe botëvështrim të këtillë , shkruan autori , duhet t’i edukojmë edhe fëmijët tanë dhe brezat e ardhshëm për t’i dhënë Shqipërisë Natyrale imazh të çiltër kombëtar dhe evropian-perëndimor.
Sepse ,sipas autorit , idetë imperialiste e teokratike e religjioze shkërmoqin dhe përdhosin vlerat tona fundamentale kombëtare…
V.Porteti i Gjergj Kastriotit-Skënderbeut
————————————————————–
Në DSh në fjalë kemi shumë ide ,shumë vlera ,shumë rrëfime që reflektojnë për komunikimet e autorit me miq , bisedat frymëzuese me poetin ,Sami Sherifin, veprat e të cilit i vlerëson si shumëdimensionale, jetësore e jetike; aty del shpirtin patriotik e brilant i autorit .Aty rrëfen se pas leximit të Kafkës , kishte bërë portretin e Gjergj Kastriotit-Skënderbeut dhe në lidhje me këtë shkruan,citoj:”Ç’ndjesi e rrallë kjo , im Zot , kur kujtoj portretin e këtij gjiganti shqiptaromadh!Këtë e kishte bërë në moshën shtatvjeçare , një mrekulli e rrallë!
Këtu përmend edhe bisedën me mikeshën Lilijana Qurkun ,e cila do ta quaj, citoj:”bir të dashur të shqiptarisë”!
VI.Krejt në fund
————————-
Sipas asaj që shkruan në këtë DSh , kuptojmë se kryepersonazhi , Zekerija Idrizi, duke jetuar hermetikisht në vetmitë e tija vegimtare (ethe drithëruese metafizike dhe filozofike) sa të gjata aq edhe të rënda,
shpesh iu kishte lutur me përgjërim të Madhit Zot:
“Im Zot, kij mëshirë , më çliro nga hijet e hijenave dhe onomatopetë kobndjellëse të derrave (levantinëve të majmunosur!”.
Si duket , pas gjithë asaj që e thotë edhe ai vet ,Zoti e ka mëshuruar dhe çliruar nga prangat!
Këtë DSH autori ,shpresojmë ,do e nxjerr në dritë këto ditë të janarit 2024!
Urimet më të mira për autorin që është një teolog dhe shkrimtar i mirënjohur në letrat shqipe- njeri i ndritur me vlera shumëdimensionale!
