Greke e bukur, borë në hënë
Shikim ndukur, vetull ngrënë!
Udhë humbur më ke lënë
Kupë e syrit si planeti
Derdhet shpirti, mblidhet derti
Kur e shkrep, fillon tërmeti
Nata del e thyhet qelqi.
Ti moj greke, cipë drite!
Si ethet më pëshpërite
Deshe vet qejfin ta ngisje
As më prite, as më nise!
Si pirat nga deti dola
Në gërshet dorën ta hodha
U bëmë bashkë , në gji të morra
Ishte Pashkë e u kungova.
Elenidh, lumë i lëshuar
Piramidë e pa pushtuar!
Nuk jam Krisht i kryqëzuar!
Jam shqiptar i dashuruar.
