Eja në këtë natë të trishtë,
kur shpirti buçet prej vetmisë,
ta thyejmë që të dy largësinë,
heshtjen, që vet fjalët i ngrin.
Është festë shën Valentin,
hëna me yjet në qiell ndrijnë,
flladi i lehtë luan simfoninë,
që të hidhemi ëmbël në vallzim.
Eja për mua, zëmra ta kërkon
muzika, ëndra të bukura zgjon ,
të kërcejme valsin e lumturisë,
apo tangon, idil të dashurisë.
Mos u trëmb, mos u fut në stres,
përveç ardhjes, dhurata nuk pres,
të pres krahëhapur në vallzim,
thjeshtë, vetëm me një trëndafil.
