PËR TY BABA
Kur isha e vogël ti në prehër më mbaje,
T’u hidhja në përqafim e sytë nga unë si ndaje.
Në vend të vajzës ti më quaje djalë,
Babë, të ëmbla ishin ku mi thoje ato fjalë!
E unë si e vogël të përqafoja pa mbarim,
E s’heshtja aspak përmallohesha me atë gëzim.
Sa e lumtur jam baba kur ta dëgjoj atë zë
Një ditë që s’të shohë vendi askund s’më nxë.
Unë ty babai im çdo herë të mbaj në zemër,
Sa e lumtur ndihem kur më thërret në emër.
Askund në botë emër më të bukur nuk ka,
Sesa kur të thërras ty në emër – BABA.